कुमाऊंनी कविता- एक चैलिक आवाज…..Riya nagarkoti poem

नादान छी मी कविताक ज्ञान नाह
लिखड़ तो बैठई पर की लिखु |
क्यामें लिखु यस क्वै आधार नाह
सोचण लागी री छी उदु में एक आवाज ऐ |
उ आवाज शायद मेरी दिल बटी ऐ
उ मिकै के कुण चाछी शायद !
हिचकिचा भे डर-डरलि म्यकै बोल पड़ी
सुण रे तू लिख मेरी कहानी आज |
मेरी ही बोलि एक चेलि आवाज
पत छा त्यकै जब जब ल्यू जन्म
तो खुशी दगड लूं मी|
क्वै- क्वे तो म्यर जन्म में है जाने दुः‌खी
चैलिक य कहानी कब तक यस रोल
किले भेद‌भाव मिकै देखभैर करने लोग |
न हुन जनै पास चैलि उनके पुछो मेरी कीमत
मी छी तो नई-नई रिश्ते बड़ने|
पर म्यकै पैद हुण है पैली ही मार दि जा
आखिर कब तक यस होते रोल
अभिमान हुनी चैलि तो
य दुनिया में चैलि छन तो य
दुनिया चलड़े चेली ने दगा इदु गलत हैगो पर
तेमि लोग देखु रूछा आखिर किले|
1 दिन मोवती जलूहा फिर सब भूल जाहा
यस किलै छू मेरी कहानी
मेरी ही बोली एक चैलिक आवाज!
रचना- रिया नगरकोटी, हल्द्वानी, जिला- नैनीताल (उत्तराखण्ड)
Riya nagarkoti poem
यह भी पढ़ें- कुमाऊंनी कविता- “भारतकि भूमी…” शिक्षिका मुन्नी पांडेय (काव्य संकलन देवभूमि दर्शन)